Pois iso, que xa fai moito que non nos vemos as caras así que convídovos a compartir o vindeiro martes un ratiño dunha clase de Música un pouco atípica, por videoconferencia… a saber que pode saír de aí!

Como é algo experimental e non sei os que ides poder asistir vou facer unha convocatoria ampla.

Martes, 28 de abril

de 1º a 3º: ás 10:00 h.

de 4º a 6º: ás 11:00 h.

Para participar só tedes que entrar o día e hora indicada na seguinte ligazón:

PINCHADE AQUÍ PARA ACCEDER

Ou se non copiade o seguinte enderezo no voso navegador 
https://meet.jit.si/aulaluisarean

Aos que xa virades esta publicación avisarvos que cambiei a aplicación que imos usar para o encontro virtual xa que a outra estaba a dar problemas en todas as probas que fixen e desde esta mantemos a seguridade e garantimos que vai funcionar máis axeitadamente. Se accededes desde un ordenador non ides precisar instalar nada, unicamente se o facedes desde un dispositivo móbil onde será preciso que descarguedes a aplicación de jitsi.

Material que imos precisar: un folla de periódico vello, o pau dunha escoba e un pauciño máis pequeno a modo de baqueta.

Os maiores se queredes ter a man a frauta para tocarnos algo tamén será ben recibido! E podedes traer pensadas cancións para que poñamos na páxina!

Animádevos, que será unha experiencia curiosa! Eu xa teño ganas de que chegue o día!