Pois iso! Que esta actividade hai que facela si ou si, que se non moitas veces non sei nin quen anda aí detrás do outro lado da pantalla! Así que toda a xente a responder!

Propóñovos este pequeno cuestionario para que contestedes algunhas cousiñas sobre instrumentos que fomos traballando nos meses que tivemos clase e tamén a través dalgún dos vídeos que vos puxen nestas semanas de sesións virtuais. Non vos vou poñer nota así que non vos preocupedes se fallades, trátase de repasar un chisco, comprobar se nos fomos quedando con algo e vendo en que deberemos incidir no futuro.

O cuestionario ten dúas seccións: unha primeira na que vos identificaredes co nome, curso e grupo (está dirixido a 3º, 4º, 5º e 6º) e a segunda sección xa coas preguntas. Ao rematar a primeira premedes en “Seguinte” ou “Next”, según o que vos saia.

Unha vez rematedes de responder dádeslle a “Enviar” (ou “Submit” se vos sae en inglés) e na seguinte pantalla podedes ver que respostas acertastes ou, nas que errastes, cales eran as opcións correctas. Tamén vos sae unha puntuación, pero insisto, ,non significa nada, tomádeo coma un xogo! Correde a voz para que o fagan cantos máis mellor!

Pensade ben e ánimo!

(Os campos marcados cun * son obrigatorios, se non non vos deixará pasar á seguinte sección nin completar o cuestionario)