A maioría de nós somos perfectamente capaces de recoñecer, alomenos visualmente, unha trompeta dunha frauta pero… e se fiamos máis fino? Distinguimos un óboe dun clarinete? E os distintos membros da familia dos saxofóns? E somos capaces de distinguilos sen velos, só polo seu son?

É por iso que temos que afondar no seu coñecemento e baixo esta premisa creamos esta nova sección na que iremos amosando vídeos e gravacións de cada un dos instrumentos musicais de uso máis habitual, aínda que tamén haberá unha sección para instrumentos étnicos que nos resultarán raros rarísimos.

Non tedes por que escoitalos todos de golpe. Desfrutade da sonoridade de cada un e se sentides especial predilección por algún deles non deixedes de escribir a través do formulario de contacto para que poñamos máis exemplos!

Podedes acceder desde o menú principal, na sección de Recursos e no apartado de instrumentos, ou se non pichando nesta ligazón Instrumentos.