Como xa sabedes todos, tócanos estar uns días na casa, pero iso non significa que se vaia deter o ritmo de traballo e moito menos na aulaluisarean.com!

Ao material que xa de cotío temos dispoñible iremos engadindo novas propostas, actividades e información para que sigamos afondando neste marabilloso mundo da Música, para que descubramos novos instrumentos, practiquemos coa frauta e outros instrumentos que poidades improvisar na casa, cantar, bailar,…

A Música está moi presente nas nosas vidas e abofé que nesta época que nos está tocando vivir vai ter unha gran importancia a todos os niveis. Moito ánimo e a desfrutar aprendendo!